मा. श्री अजीज शेख साहेब (मुख्य कार्यकारी अधिकारी – IAS, जिल्हा परिषद, धुळे) तसेच
मा. श्री प्रदीप पवार साहेब (गटविकास अधिकारी, पंचायत समिती, शिरपूर, जि. धुळे)
यांनी मुख्यमंत्री समृद्ध पंचायत राज अभियान अंतर्गत रोहिणी ग्रामपंचायत येथे अधिकृत भेट दिली. या भेटीदरम्यान ग्रामपंचायतीच्या विविध विकासकामांची व प्रशासकीय कार्यपद्धतीची सविस्तर पाहणी करण्यात आली. गावाच्या सर्वांगीण विकासासाठी राबविण्यात येणाऱ्या शासकीय योजना, स्वच्छता, पाणीपुरवठा, पायाभूत सुविधा तसेच लोकसहभागातून होणाऱ्या उपक्रमांचा आढावा घेण्यात आला.
यावेळी उपस्थित अधिकारी, कर्मचारी व ग्रामस्थांशी संवाद साधून त्यांनी विकासकामांची गुणवत्ता, पारदर्शकता व वेळेत अंमलबजावणी याबाबत मोलाचे मार्गदर्शन केले. आगामी काळात गावाच्या प्रगतीसाठी आवश्यक असलेल्या विकासकामांबाबत उपयुक्त सूचना देत शासनाच्या योजनांचा प्रभावी लाभ ग्रामस्थांपर्यंत पोहोचविण्यावर भर देण्यात आला.
ही भेट रोहिणी ग्रामपंचायतीसाठी मार्गदर्शक व प्रेरणादायी ठरली असून, भविष्यातील विकास कार्यांना नवी दिशा देणारी ठरली आहे.
